ცნობილი ბეჭდვის ინჟინერი და გაყიდვების დეველოპერი მიუთითებს იმაზე, რომ ენთუზიაზმი და გამძლეობა მბეჭდავების საერთო თვისებებია, იმ ადამიანების, რომლებმაც იციან, როგორ წამოდგენ ყოველი დაცემის შემდეგ.
ვლად სლიაპიჩი, Graphimecc-ის მთავარი კომერციული ოფიცერი და FINAT-ის მარკეტინგის კომიტეტის წევრი, გამოხატავს აღფრთოვანებას უკრაინელი პრინტერების მიმართ და მათ იქ გაძლებისკენ მოუწოდებს, რათა მალე აღადგინონ დაკარგული.
დაახლოებით 20 წლის წინ ბეჭდვა შემთხვევით დავიწყე და წლების განმავლობაში ეს ინდუსტრია მისი ორი ძირითადი მახასიათებლის გამო შემიყვარდა.
პირველი ურყევი ენთუზიაზმია. მე ვიმოგზაურე მთელს მსოფლიოში ბეჭდვით და ყველგან, სადაც წავედი, რაც არ უნდა კულტურულად მრავალფეროვანი ან უჩვეულო იყოს ადგილი, მბეჭდავები ყველგან ერთნაირად გამოყოფენ დროს პროფესიული სიამაყისა და გამოწვევების გასაზიარებლად, სწავლის ისეთი მონდომებით, რომ არ შეიძლება ამან არ ჩაგითრიოს პროფესიულ ურთიერთობებში, რომლებიც ათწლეულებს მოიცავს.
მეორე მდგრადობაა. ბეჭდვის ბიზნესის აწყობა, ისევე, როგორც ნებისმიერი ბიზნესის, ემოციურ ცვლილებებთან, უზარმაზარ სიბრძნესთან და თავდადებასთანაა დაკავშირებული, ყოველი დაცემის შემდეგ წამოდგომის უნართან და უნართან აკეთო ის, რაც ბეჭდვის ინდუსტრიაში მყოფ ადამიანებს საუკეთესოდ გვეხერხება: მომავლის შენება.
ბოლო რამდენიმე თვის განმავლობაში შეგვძრა ტრაგიკულმა მოვლენებმა უკრაინაში, გული მიკვდება იმ ადამიანების გამო, რომლებმაც სახლები და საყვარელი ადამიანები დაკარგეს.
კოლეგა მბეჭდავებს ვუგზავნი საუკეთესო სურვილებს და იმედს, რომ ეს სიგიჟე მალე დასრულდება. დარწმუნებული ვარ, რომ გამძლეობა, თავდადება და მონდომება, რომელიც მე ვიცი, რომ თქვენ გაქვთ, დაგეხმარებათ ამ რთული პერიოდის გადალახვაში. მე პირადად აღფრთოვანებული ვარ თქვენი გამბედაობით და, როგორც საერთაშორისო ბეჭდვითი საზოგადოების წევრი, გთხოვთ, განაგრძეთ ჩვენთან საუბარი იმაზე, თუ როგორ შეგვიძლია დაგეხმაროთ და რა მხარდაჭერა გჭირდებათ.
ვიმედოვნებ, რომ უაზრო კონფლიქტი მალე დასრულდება, რაც საშუალებას მოგცემთ დაიწყოთ დაკარგულის აღდგენა, ჩვენ დაგეხმარებით და მალე შევხვდებით ერთმანეთს აღმშენებლობის გზაზე. საუკეთესო სურვილებით დიდი ბრიტანეთიდან.
